CCLXVIII.

1378, April 30. Kamenz.

Abt Peter genehmigt den Verkauf zweier Hufen zu Heinrichswaldau an einen Bauer zu Hemmersdorf.

In nomine domini amen. Nos frater Petrus abbas in Camencz ordinis Cysterciensis Wratislaviensis dyocesis notam facimus universis tam presentibus quam futuris, ad quorum audienciam seu noticiam presentes perducuntur, quod constitutus coram nobis fidelis noster dilectus Nycolaus Czheetirwange quondam scultetus in Heymrichsdorf libere et expresse recognovit, se nomine suo suorumque heredum et successorum, quorum quisquam interest seu interesse poterit quomodolibet in futurum, non coactus, non compulsus nec per errorem circumventus, sed tam in mente, quam eciam in corpore bene sanus, prehabita prius cum amicis suis desuper matura deliberacione, de consilio eorundem amicorum suorum speciali, honorabili viro Petro in Fine nominato, rustico in Heymrichswalde, consorti sue legittime suisque pueris et heredibus legittimis, duos mansos agrorum, quos in villa Heynrichswalde habuerat, iusto vendicionis titulo pro quadam certa summa pecunie sibi ex integro data et pagata rite et racionabiliter fatebatur vendidisse iure hereditario, libere et sine omni censu, tributo sive exactione perpetuis temporibus possidendos excepto dumtaxat, quod pro servicio dextraliali singulis annis octo scotos grossorum dare et solvere debet vel quantum ex parte dictorum mansorum servire hactenus est consuetum. Nos vero precibus ambarum parcium favorabiliter inclinati predictum vendicionis et empcionis contractum ratum, gratum et firmum habentes prefatos duos mansos in suis gadibus et greniciebus sitos et limitatos prenominato Petro in Fine dicto, consorti sue et suis heredibus ac successoribus legittimis predicto iure perpetuis temporibus habendos et possidendos per presentes graciose resignamus. In cuius rei testimonium presentibus sigilla nostrum et conventus nostri sunt appensa. Datum Camencz in vigilia beatorum apostolorum Philippi et Jacobi anno domini millesimo trecentesimo septuagesimo octavo; presentibus hiis testibus videlicet: fratre Nycolao de Paczkow priore, Jacobo Goebelini advocato, Johanne Vogeler et Petro Mysneri scultetis in Heymrichsdorf, Nycolao Cloeppil rustico ibidem, Johanne sculteto de Volveramsdorf cum ceteris viris fide dignis.

Or. Perg. An Pergamentstreifen die schlecht erhaltenen Siegel des Abtes und des Conventes.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.